成日講「香港開埠」,咁「開埠」到底係咩嚟、當時發生咩事呢?點解會出現兩個唔同日期?箇中關鍵,係同兩條草約有關。

一般香港開埠係指1841年1月26日,英國海軍上將義律同兩廣總督琦善私底下訂咗條《穿鼻草約》,並率領海軍喺上環水坑口登陸香港島,並開始管治香港。不過開埠嘅時間仲有另一個說法,話說當時《穿鼻草約》並未得到清廷確認,英方亦對《穿鼻草約》無提到中國開放通商感到不滿,英方之後派砵甸乍代替義律出任行政官同英方全權代表,帶領英軍攻佔廈門、寧波、上海、鎮江等地,逼使清廷同英方喺1842年8月29日簽署《南京條約》,正式割讓香港島。

睇到依度,可能有史友問,咁即係1841定1842年?綜合史學家所講,從國家民族及經濟等角度上分析,會視簽訂條約嘅1842年為香港開埠年份,但就地方史、軍事方面及本地文獻等方面而言,開埠就係講緊1841年1月26日。

原圖嚟自網絡。